يدعم حاليا التيار الوطني الدكتورة اسيل العوضي بقوة ومرفعين فيها للغاية
لكن السؤال مهم....في احد فيكم قابل دكتورة أسيل شخصيا
مو بندوة, مو بحلقة نقاشية
لا قاعد مسولف معاها؟
للأسف الشديد لا
لكن اذا كلفتوا عمركم قبل لا تقعدون تسونلها دعاية, ورحتوا قعدوا وسوالفتوا معاها
راح تستنتجون الآتي
1. انسانة نفسية
2. كاريزما معدومة
3. تتفلسف وايد وتقول كلام مبتذل مأخوذ خيره
وخابين فيها عندها دكتوراه فلسفة من جامعة تكساس...شنو يعني؟
شنو اول وحدة تحصل دكتوراه ولا آخر وحدة ولا شنو بالضبط؟
وعلى فكرة, ترى مو كل من علق شهادة على الطوفة صار مؤهل يمسك منصب سياسي...للعلم بس
عندها دكتوراه فلسفة من جامعة تكساس.....وااااو يا الاهي....عندها شهادة على الطوفة
قعدت مادري جم سنة بأمريكا......وااااو يا الاهي...حصلت بعثة على حساب الحكومة
ابوها نائب.....وااااااو....دادي كان نائب ومن الطبقة التجارية
دكتورة في الجامعة.....واااااو.....دكتورة في قسم ميت بجامعة مو معترف فيها عالميا
استعملت اليوتيوب للإلان عن نزولها للمجلس......وااااااااااو....استعملت خدمة مجانية وباقت فكرت براك اوباما
كبروا عقولكم شوي
عناد على التيار الديني تبون تدعمون اي احد؟
يايبينلنا وحدة قبل لا التيار الوطني يسلط عليها الضوء ماكنا نعرف منو اهي
-
بعيد عن هالموضوع
تخيل تمشي بالشارع...يهجموع عليك 4 ارانب....
Subscribe to:
Post Comments (Atom)
أخيراص أحد طرح أفكار واقعية.... نبي أكثر
ReplyDeleteأنا إلي كان باط جبدي
شي بسيط
أنا ماعرفها ولا سمعت عنها
ولما شفت فيديوها والحملة الإعلامية
ماكوا منهجية... ماكو طرح لأي فكرة
من الأخر لمجرد انها تابعة التحالف
خلاص صار كل شي معروف
هذي انا اعتبرها سطحية... بس
من باب الحلال والحرام
انا ماانتقدها شخصياً
ماعرفها صراحة
بس انتقدها من الناحية السياسية
يعطيكم العافية
ومن ناحية الأرانب ... أهون من عتاوية
بركض وبدش بأقرب داعوس وأطشرهم
شوف ياخوي
ReplyDeleteهذي دكتورة فلسفة في جامعة الكويت
لا احد ينكر انها تتقن وظيفتها...كمحاضرة للفسلفة وانها شايلة القسم نوعا ما
لكن هل هذي احسن شي قدر التيار الوطني اييبه؟؟؟
وين راحت رولا دشتي
وين راحت العبدلي
وين راحت نعيمة الحاي
والباجيين
ياخي اقل الايمان ييبوا وحدة من خمة صوت الكويت وفكونا ;///
المشكلة, احنا الكويتيين نرفع بشخص عشان شهادته وظهره اكثر من شخصه
الانتخابات الي طافت, كان عندها دعم خيالي من حزب التجار....سوري قصدي التحالف
وكادر مهيء
وهم طبع بومها....
الله كريم